Dr Golf vo Akaba
| Golf von Akaba | ||
|---|---|---|
 Luftbild fotografiert vom Space Shuttle STS-40 | ||
| Gwässer | Roots Meer | |
| Landmasse | Sinai-Halbinsle, Arabischi Halbinsle | |
| Geographischi Laag | 28° 41′ N, 34° 42′ O | |
| ||
| Bräiti | 29 km | |
| Länge | 175 km | |
 | ||
Dr Golf vo Akaba (in dr Antike Aelaniticus Sinus, arabisch خليج العقبة Chalidsch al-Aqaba, DMG Ḫalīǧ al-ʿAqaba), gläägentlig au noch dr israelische Küstestadt Golf vo Eilat (hebräisch Mifraz Eilat מיפרץ אילת), bildet näben em Golf vo Sues äini vo de bäide lange Buchte am nördlige Ändi vom Roote Meer. Er drennt die Arabischi Halbinsle vo dr Sinai-Halbinsle. D Strooss vo Tiran, e Meerängi mit Insle und Riff, verbindet dr Golf vo Akaba mit em Roote Meer.
Vier Staate lige an de Küste vom Golf: Egüpte, Israel, Jordanie (mit dr Stadt Aqaba, won em Golf dr Naame gee het) und Saudi-Arabie. Dür Jordanie isch dr Golf dr äinzig Zuegang zum Meer, für Israel isch er strategisch wichdig gsi as diräkte Zuegang zum Indische Ozean, wo dr Sueskanal no für die israelischi Schiffaart gsperrt gsi isch.
Der Golf vo Akaba het vo dr Strooss vo Tiran bis uf Akaba e Lengi vo öbbe 175 km. ER isch bis zu 29 km bräit. Die maximali Diefi wird mit 1850 Meter aagee. Am nördlige Ändi lige drei wichdigi Haafestedt, Taba z Egüpte, Eilat in Israel und Aqaba in Jordanie. D Geegend isch bi Turiste wäge sim warme Klima beliebt und as Dauchbaradiis.
Geologisch aagluegt isch dr Golf vo Akaba Däil vom Groosse Afrikanische Graabebruch, wo vo Ostafrika us hehe Norde dur s Roote Meer und vo dört zum Doote Meer und Jordandaal goot.
Weblingg
[ändere | Quälltäxt bearbeite]
Commons: Golf vo Akaba – Sammlig vo Multimediadateie